Nelle due versioni che qui si presentano affiancate, la versione A è stata pubblicata in "Teotokos", mentre la versione B si deve ad una trascrizione familiare del sig. Santino Morabito e tramandata in famiglia.

Appurato che la provenienza originaria è diversa ne abbiamo proposto la contemporanea pubblicazione perchè se il testo da un canto coincide, seppur con varianti di ordine delle strofe, nella quasi totalità, solo esaminandole assieme è possibile comprenderne esattamente il senso ed i significato. Infatti le varie distorsioni introdotte, dovute alla trasmissione orale, ne hano reso incomprensibili certi riferimenti che invece integrando le due versioni, si sciolgono facilmente. Inoltre alcuni versi perduti in una o nell'altra, appaiono, quasi miracolosamente, viceversa, donandoci questa antica e ricca devozione nella sua interezza.

 

La novena è in parte contenuta nel CD "Voci di donne" (A nota) a cura di Giuliana Fugazzotto e Mario Sarica, pubblicato nel 2008. Ringraziamo l'etnomusicologo Mario Sarica per averne concesso la pubblicazione: [ascoltala]

 

 

 

Versione A
 

Versione B

 

Vadda lu zelu di li missinisi
tra brevi misi Maria si truvavu
Maria quannu li vitti e li mbracciau
nginucchiuni vinniru unni tia

Rit.: Viva, viva

Maria da Sacra Littra o Maria


Ci dissiru li quattru ‘mbasciaturi
matri d’amuri e seguita Missina
e a li to' pedi s'inginocchia e inchina
S.Paulu è mannatu unni tia

Rit.: Viva, viva

Maria da Sacra Littra o Maria


Tu fusti chidda chi unni mia mannasti
li ‘mbasciaturi cu tanta custanza
io ti difennu d'ogni circustanza
e tutti sti grazi li tegnu pi tia

Rit.: Viva, viva

Maria da Sacra Littra o Maria


Vaiu vidennu la to summa fidi
iapru lu pettu e t’abbracciu Missina
ora ti scrivu la littra divina
e tutti sti doni li tegnu pi' tia

Rit.: Viva, viva

Maria da Sacra Littra o Maria


Li quattru ‘mbasciaturi nginucchiati
tutti nfiammati d'amuri divinu
lagrimannu di cari e di cuntinuu
mentri la sacra Virgini scrivia

Rit.: Viva, viva

Maria da Sacra Littra o Maria


A la finuta chi Maria ci scrissi
Li binidissi e ci dissi: pighiati,
annati in sabbamentu e paciati
sappiati chi Missina è figghja mia

Rit.: Viva, viva

Maria da Sacra Littra o Maria


la desi a manu di li ‘mbasciaturi
cu veru amuri di li so' mani scritta
e tu Missina si biniditta
mentri cu fidi tu truvasti a mia

Rit.: Viva, viva

Maria da Sacra Littra o Maria


Li ‘mbasciaturi la ringraziaru
nterra baciaru cu tanta alligrizza
Cunsidirati vui chi cuntintizza
Vannu grirannu pi’ mari e pi' via

 

Rit.: Viva, viva

Maria da Sacra Littra o Maria


Ruannu nterra la littra sacrata
d'ogni strata ognunu festa fici,
ludannu sta gran Matri Prutittrici
chi binidici tantu a lontananza
di la Littra Maria la nostra spiranza!

 

Rit.: Viva, viva

Maria da Sacra Littra o Maria


E la gran festa si va nvicinannu
sempri iudannu a sta gran capitali,
Missina e tutti quantu li casali
su calali pi’ vidiri a Tia.

Rit.: Viva, viva

Maria da Sacra Littra o Maria


Poi briscennu nta la matinata
la campanata spuntannu l'aurora
e tutta la cittadi si ristora
sonunu li campani in alligrizza.

Rit.: Viva, viva

Maria da Sacra Littra o Maria


E quannu sona la diciottuturi
e d'ogni parti si senti sparari
non c'è lingua pi putirlu spiegari
sparunu cu triunfu e alligria

Rit.: Viva, viva

Maria da Sacra Littra o Maria


E quannu sona lu vintitriuri
vannu a svilari la Summa Rigina
Senatu e Capitulu s'inchina
e la musica chi sona in armunia.

Rit.: Viva, viva

Maria da Sacra Littra o Maria


E quannu nesci la Summa Rigina
Tutta Missina d'ampressu ci va,
in gloria di Maria la Purità
e pi dispettu di tutta l’irisia.

Rit.: Viva, viva

Maria da Sacra Littra o Maria


Li Cappuccini pottunu la Vara
chi cosa rara massizzu d'argentu
e la musica chi sona in alligria.

Rit.: Viva, viva

Maria da Sacra Littra o Maria


Lu suli avanza li biddizzi rari
e davanzali diveni la luna
lucidi stelli potta la curuna
e sta futtuna fu ndutata a tia.

Rit.: Viva, viva

Maria da Sacra Littra o Maria


S.Giuvanni la nova galera
cu la so’ cera
di lumi ndumata,
e la gran festa fa nostra Avvucata
spara la Cittadella artiglieria

Rit.: Viva, viva

Maria da Sacra Littra o Maria


Di guerri e tirrimoti comu usanza
Maria ni scanza e ni vanza lu beni
Idda ni ‘nmanteni e ni susteni
e ni binidici tanto a lontananza
di la Littra Maria la nostra Spiranza!

Rit.: Viva, viva

Maria da Sacra Littra o Maria

 

Virgini matri Maria

prigati a Gesù pi' mia!

 

 

Vadda lu zelu di li missinisi
fra brevi misi Maria si truvau
Maria quannu li vitti e li bracciau
E a ginucchiuni vinniru unni tia

Rit.: Viva, viva Maria

la Sacra Littra o Maria


Ci dissiru li quattru ambasciaturi
matri d’amuri e seguita Missina
e a li so' peti si ginocchia e china
San Paulu è mannatu unni tia

Rit.: Viva, viva Maria

la Sacra Littra o Maria


Tu fusti chidda chi unni mia mannasti
L’ambasciaturi cu tanta custanza
io ti difennu d'ogni circustanza
e tutti sti grazi li tegnu pi tia

Rit.: Viva, viva Maria

la Sacra Littra o Maria


Vaiu vidennu la to summa fidi
Iapri stu pettu e abbraccia Missina
ora ti scrivu la littra divina
e tutti sti doni li tegnu pi' tia

Rit.: Viva, viva Maria

la Sacra Littra o Maria


Li quattru ambasciaturi ginucchiati
tutti nfiammati d’amuri divinu
lagrimannu di cori e di chintinu
mentri la sacra Virgini scrivia

Rit.: Viva, viva Maria

la Sacra Littra o Maria


A la finuta chi Maria ci scrissi
li binidissi e ci dissi pighiati
annati in sabbamentu e paciati
e sappiati chi Missina è figghja mia

Rit.: Viva, viva Maria

la Sacra Littra o Maria


la desi a manu di li ambasciaturi
cu veru amuri di li so' mani scritta
e tu Missina si biniditta
mentri cu fidi tu truvasti a mia

Rit.: Viva, viva Maria

la Sacra Littra o Maria


Li ambasciaturi la ringraziaru
nterra baciaru cu tanta ‘lligrizza
Cunsidirati ‘ui chi cuntintizza
Vannu grirannu pi’ mari e pi' via

Rit.: Viva, viva Maria

la Sacra Littra o Maria


Ruannu nterra la littra sacrata
e d'ogni strata ognunu festa fici,
ludannu sta gran Matri Prutittrici
chi ni binidici i tanta luntananza
di la Littra Maria la nostra spiranza!

Rit.: Viva, viva Maria

la Sacra Littra o Maria


E la gran festa si va sta vicinannu
sempri ludannu a sta gran capitana
Missina e tutti quantu li casali
e su calati pi’ vidiri a Tia.

Rit.: Viva, viva Maria

la Sacra Littra o Maria


E quannu nesci la Summa Rigina
tutta Missina d'appressu ci va
in gloria di Maria la purità
e pi suspettu di tutta l’erisia.

Rit.: Viva, viva Maria

la Sacra Littra o Maria


Li cappuccini mmuttunu la Vara
chi cosa rara massizzu d'argentu
sunatulu a capitulu cuntentu
e la musica chi sona in alligria.

Rit.: Viva, viva Maria

la Sacra Littra o Maria


Poi briscennu nta la matinata
la campanata spuntannu l'aurora
e tutta la citta chi si ristora
sonunu li campani in alligria.

Rit.: Viva, viva Maria

la Sacra Littra o Maria


E quannu sona lu diciottori
e d'ogni parti si senti sparari
non c'è lingua di putiri spiegari
sparunu cu triunfu e armonia.

Rit.: Viva, viva Maria

la Sacra Littra o Maria


E quannu sona lu vintriuri
vannu a svilari la Summa Rigina
Sunatulu a Capitulu s'inchina
la musica chi sona in armunia.

Rit.: Viva, viva Maria

la Sacra Littra o Maria


S.Giuvanni la nova galera
cu la so’ cera di lumi addumata
e la gran festa fa nostra avvucata
spara la Cittadella artiglieria

Rit.: Viva, viva Maria

la Sacra Littra o Maria


Lu suli avanza li biddizzi rari
e davanzari divenni la luna
dudici stelli potta la curuna
e sta futtuna fu ndutata a tia.

Rit.: Viva, viva Maria

la Sacra Littra o Maria


Di guerri e tirrimoti e comu usanza
Maria ni scanza e ni vanza lu beni
Idda ni manteni e ni susteni
e ni binidici i tanto luntananza di la Littra
Maria la nostra spiranza!

Rit.: Viva, viva Maria

la Sacra Littra o Maria

 

Bibliografia: AA.VV. Teotokos, Messina 1980